Sunday, May 26, 2013

എന്താ കോണ്ഗ്രസെ നന്നാവാത്തെ?

                                                     ഇന്ത്യക്ക് സ്വാതന്ത്ര്യം കിട്ടിയാൽ കോണ്ഗ്രസ് പാര്ട്ടി പിരിച്ചു വിടണമെന്ന് മഹാത്മാ ഗാന്ധി പറഞ്ഞിരുന്നു.ഗാന്ധിസം പേരിനൊരലങ്കാരമായി കൊണ്ട് നടക്കുന്ന കൊണ്ഗ്രസ്സുകാർ പക്ഷെ അത് ചെവിക്കൊണ്ടില്ല.സ്വാതന്ത്ര്യാനന്തര ഇന്ത്യയിലെ കോണ്ഗ്രസ്സിന്റെ പല ചെയ്തികളും കണ്ടപ്പോൾ ഗാന്ധിയുടെ ദീർഘ വീക്ഷണത്തെ വിവരമുള്ളവർ സമ്മതിച്ചു കൊടുത്തതാണ്. വര്ത്തമാന കാലത്തെ കോണ്ഗ്രസ്സിന്റെ പോക്ക് കണ്ടാൽ എന്തൊരു ദീർഘ വീക്ഷണമായിരുന്നു നമ്മുടെ രാഷ്ട്ര പിതാവിന്റെതെന്ന അദ്ഭുതത്താൽ നിങ്ങളും മൂക്കത്ത് വിരൽ വെച്ച് പോവും! കെ.പി.സി. സി.എന്ന സംഘടനയുടെ തലപ്പത്ത് ഒരു പ്രസിഡണ്ടുണ്ട്.അദ്ദേഹം ആ സംഘടനയിലെ എല്ലാവരുടെയും പ്രസിഡന്റായാണ് കാണപ്പെടെണ്ടത്‌.എന്നാൽ കൊണ്ഗ്രസ്സിൽ അങ്ങിനെയല്ല.തലപ്പത്തിരിക്കുന്ന ഏതു ഭാരവാഹിയും ഒരു ഗ്രൂപ്പിന്റെ നേതാവായിരിക്കും.കേരളത്തിലെ കൊണ്ഗ്രെസ്സു പാര്ട്ടിയുടെ നേതാവ് ഐ ഗ്രൂപ്പിന്റെ നേതാവാണത്രെ! അപ്പോൾ ബാക്കി വരുന്ന ഗ്രൂപ്പുകാരുടെ പ്രസിഡണ്ട് ആരാണെന്ന സാധാരണക്കാരുടെ ചോദ്യത്തിനൊന്നും ഒരു ഉത്തരവും പ്രതീക്ഷിക്കണ്ട!     കെ.പി.സി.സിയുടെ പ്രസിഡണ്ട് മുഖ്യ മന്ത്രിക്കും മുകളിലാണെന്നാണ് വെപ്പ്.മുഖ്യ മന്ത്രിയെപ്പോലും നിയമിക്കാൻ കെൽപ്പുള്ളവൻ.എന്നിട്ടുമെന്തേ അത്തരമൊരാൾ വടക്ക് നിന്ന് തെക്കോട്ടേക്കൊരു ജാഥ നയിച്ച്‌ എനിക്ക് ഉപ മുഖ്യമന്ത്രിയാവണേ എന്ന് പൂതി പറഞ്ഞത്?ഈ യാത്രയുടെ പല ലക്ഷ്യങ്ങളിൽ ഒന്ന് സംഘടനയുടെ കെട്ടുറപ്പ് ഭദ്രമാക്കുക എന്ന ഒരു തമാശയും ഉണ്ടായിരുന്നു.പുറത്തു നിന്ന് നോക്കുമ്പോൾ ഒരു സവാളയുടെ രൂപത്തിലുള്ള ഈ സാധനം അല്ലിയല്ലിയായി പല ഗ്രൂപ്പുകാളായിട്ടാണിരിക്കുന്നതെന്ന സത്യം മറ്റുള്ളവരറിയുംപോൾ സംഘടനയിലുള്ളവർക്ക് ഒരിത്തിരി ജാള്യതയും അപമാനവും ഒക്കെ തോന്നേണ്ടതല്ലേ! എവിടെ? ഈ ഗ്രൂപ്പ് കളിക്ക് കൊണ്ഗ്രസ്സുകാർ ഒന്നിച്ചിരിക്കുന്ന അപൂര്വ സന്ദർഭങ്ങളിൽ ഉൾപാർട്ടി ജനാധിപത്യം എന്ന സൈധാന്ധിക പരിവേശംനല്കി തടി രക്ഷപ്പെടുത്താറാണ് പതിവ്.
                                                        നേരിയൊരു ഭൂരിപക്ഷത്തിന്റെ പേരില് ഭരണം നടത്തുന്ന ഇതിലെ പല മഹാ നേതാക്കളും നേരിയ ഭൂരിപക്ഷത്തിന് അസംബ്ലിമണഡലങ്ങളിൽ നിന്ന് തെരഞ്ഞെടുക്കപ്പെട്ടവരാന്.അഭിപ്രായ വ്യത്യാസങ്ങളുണ്ടായിരിക്കെ തന്നെ അത് ഗ്രൂപ്പ് കളിയിലും തമ്മിൽ തല്ലിലും കലാശിക്കാതെ മാന്യത കൈവിടാത്ത ചില സഖ്യ കക്ഷികളെങ്കിലും യു ഡി എഫിലുണ്ട് അവരിൽ നിന്നെങ്കിലും ഈ വല്ല്യേട്ടന് പഠിക്കാവുന്നതാണ് ജനങ്ങളെ ബാധിക്കുന്ന ഒരു പാട് മുഖ്യ വിഷയങ്ങൾ പരിഹരിക്കപ്പെടാതെ കിടക്കുമ്പോൾ ഈ ഗ്രൂപ്പ് കളിയുടെ പുലയാട്ടു കാണുമ്പോൾ ജനങ്ങളുടെ മനസ്സില് തോന്നുന്ന വികാരം സങ്കടമാണോ അതോ പുച്ചമാണോ? പാവം ജനങ്ങള് എന്തെല്ലാം സഹിക്കണം
                                                                                                        കാർട്ടൂണ്‍ കടപ്പാട്:    

3 comments:

ajith said...

നന്നായിട്ടാര്‍?

Unknown said...

ഇത് നന്നാവത്തത് അല്ല തെരഞ്ഞെടുപ്പു അടുത്ത് വരുമ്പോൾ ഇങ്ങനെയാാാ ഞങ്ങൾ

Shahid Ibrahim said...

എനിക്കിഷ്ട്ടമായത് കാര്‍ട്ടൂണ്‍ ആയിരുന്നു