Wednesday, April 3, 2013

നിതാഖത്തും നമ്മുടെ ചാനൽ ശിങ്കങ്ങളും!

                                                                    ടൂറിസ്റ്റ് വിസയിൽ വന്ന രണ്ടു അറബികൾ ഒരു മുസ്ലിം പള്ളിയുടെ ഉദ്ഘാടന സമ്മേളനത്തിന്റെ വേദി പങ്കിട്ടു. അവരെ കേരളത്തിലെ പോലീസ് അറസ്റ്റ് ചെയ്തു.ടൂറിസ്റ്റ് വിസയിൽ വന്നവര്  അങ്ങിനെ ചെയ്തു കൂടാത്തതാണെന്ന വിശദീകരണമുണ്ടായി.വളരെ പണ്ടൊന്നുമല്ല. 2012 ലാണെന്നാണെന്റെ ഓര്മ്മ.
                                                      ഇനി സൌദിയിലേക്ക് പോവാം. ഇപ്പറഞ്ഞ നിയമം അവിടെ കർക്കശമാകിയിരുന്നെങ്കിൽ അവിടത്തെ പോലീസുകാര്ക്ക് മറ്റു പണിക്കൊന്നും പോവാനാവുമായിരുന്നില്ല. ഇത്രയും കാലം നിയമം കണ്ണടച്ചതു കൊണ്ടാണ് ഹൌസ് ഡ്രൈവർ വിസയിൽ വന്നവര്ക്കിവിടെ സൂപ്പര് മാർക്കറ്റുകൾ തുടങ്ങാനായത്,ഭര്ത്താവിന്റെ വിസയിൽ വന്നു സ്കൂൾ ടീച്ചറായി ജോലി നേടി ശമ്പളം വാങ്ങാനായത്.
                                                ഏതൊരു ഗവെർന്മെന്റിന്റെയും ഉത്തരവാദിത്വമാണ് സ്വന്തം പൌരന്മാര്ക്ക് തൊഴിലവസരങ്ങളുണ്ടാക്കുക എന്നത്.വിദേശ തൊഴിലാളി കൽക്കേറെ  തൊഴില നൽകുമ്പോൾ ഒരു ചെറിയ ശതമാനം സൌദികല്ക്ക് കൂടി തൊഴില നൽകണമെന്നെ ഗവെർന്മെന്റ് സ്വകാര്യ കമ്പനികളോട് ആവശ്യപ്പെടുന്നുള്ളൂ.അതെങ്ങിനെ വലിയൊർ തെറ്റായി ഗണിക്കാനാവും! .
                                          മറ്റൊരു നിയമം തൊഴിലാളി തന്റെ സ്പോന്സരുടെ കീഴിലേ തൊഴിൽ ചെയ്യാവൂ എന്നതാണ്.(തൊഴിലാളിയുടെ സുഖവും,ജീവനും ഒക്കെ സ്പോന്സരുടെ ഉത്തരവാദിത്വത്തിലാണെന്നൊർക്കണം.).ഇത് തെറ്റാണെന്നാര്ക്ക് പറയാനാകും?
                                                 തന്റെ വിസയിൽ ( ഇഖാമയിൽ) പറഞ്ഞ തൊഴിലേ വിദേശിയായ തൊഴിലാളി ചെയ്യാവൂ എന്നതാണ് മറ്റൊരു നിയമം. അതും തെറ്റായൊരു നിര്ദേശം അല്ല. അങ്ങിനെയാരെങ്കിലും തൊഴിൽ ചെയ്യുന്നുണ്ടെങ്കിൽ വിസ മാറ്റാനും സ്പോന്സരെ മാറ്റാനുമൊക്കെ സൗദി ഭരണാധികാരികൾ പ്രവാസികള്ക്ക് സാവകാശം നല്കിയിരുന്നതുമാണ്.
                                                       ഇതൊക്കെയാണ് വാസ്തവം.യുദ്ധ സമാനമായ വിവരണങ്ങളും ബഹളവുമുണ്ടാക്കി നമ്മുടെ ചാനലുകൾ മത്സരിക്കുമ്പോൾ സത്യമറിയാവുന്ന ചിലരെങ്കിലും ഭൂമിയിൽ  ജീവിച്ചിരിക്കുന്നുവെന്ന് ഓര്ക്കുന്നത് നന്ന്.

  ഫ്രീ വിസ: 1976 ൽ എന്റെ കുട്ടിക്കാലത്താണ് എന്റെ കുടുമ്പത്തിൽ നിന്നൊരാൾ ഗള്ഫിലേക്ക് പോവുന്നത്.അന്ന് മുതൽ കേൾക്കുന്നതാണ്,ഗള്ഫിലെ ജോലി സാധ്യതകൾ കുറഞ്ഞു വരികയാണ്:ഇനി അധിക പേര്ക്കൊന്നും അവിടങ്ങളിൽ ജോലി ലഭിക്കില്ല,ജോലിയുള്ളവർ തന്നെ അധികം വൈകാതെ തിരിച്ചു പോരേണ്ടി വരും എന്നൊക്കെ.ഇപ്പോഴും ഇതാവര്ത്തിച്ചു കൊണ്ടിരിക്കുന്നു,അപ്പോഴുംപുതിയ തൊഴിലന്വേഷകരുമായി വിമാനങ്ങൾ ഗള്ഫിലേക്ക് പറന്നു കൊണ്ടേയിരിക്കുന്നു!!!!

3 comments:

പട്ടേപ്പാടം റാംജി said...

സത്യം എന്തായാലും പെരുപ്പിച്ചാലല്ലേ വാര്‍ത്തക്ക് ഒരിതുള്ളു. എല്ലാവരും ജീവിക്കാനുള്ള വഴിയല്ലേ നോക്കുന്നത്. അപ്പോള്‍ വാര്‍ത്തകളുടെ സത്യാവസ്ഥയല്ല അവര്‍ക്കാവശ്യം, പൊലിമയുള്ള വാര്‍ത്തകളാണ്. അതില്‍ ആരു തകര്‍ന്നാലും അവരുടെ ജീവിതം ഒന്നുകൂടി സുന്ദരമാകുമെന്നല്ലാതെ...
പിന്നെ ഇങ്ങിനെ വാര്‍ത്തകള്‍ വന്നതുകൊണ്ട് പ്രവാസികളുടെ പ്രയാസങ്ങള്‍ ഒന്നുകൂടി വേണ്ടപ്പെട്ടവര്‍ക്ക് ശ്രദ്ധിക്കാനും ജനങ്ങള്‍ക്ക് ഒന്നുകൂടി മനസ്സിലാക്കാനും വഴിയൊരുക്കി എന്ന് സമാധാനിക്കാം.

ajith said...

1976 ൽ എന്റെ കുട്ടിക്കാലത്താണ് എന്റെ കുടുമ്പത്തിൽ നിന്നൊരാൾ ഗള്ഫിലേക്ക് പോവുന്നത്.അന്ന് മുതൽ കേൾക്കുന്നതാണ്,ഗള്ഫിലെ ജോലി സാധ്യതകൾ കുറഞ്ഞു വരികയാണ്:ഇനി അധിക പേര്ക്കൊന്നും അവിടങ്ങളിൽ ജോലി ലഭിക്കില്ല,ജോലിയുള്ളവർ തന്നെ അധികം വൈകാതെ തിരിച്ചു പോരേണ്ടി വരും എന്നൊക്കെ.ഇപ്പോഴും ഇതാവര്ത്തിച്ചു കൊണ്ടിരിക്കുന്നു,അപ്പോഴുംപുതിയ തൊഴിലന്വേഷകരുമായി വിമാനങ്ങൾ ഗള്ഫിലേക്ക് പറന്നു കൊണ്ടേയിരിക്കുന്നു!!!!

ശരിയാണല്ലോ.

Akbar said...

സ്പോൻസർ ഷിപ്‌ മാറാതെ മറ്റു സ്ഥാപങ്ങളിൽ ജോലി ചെയ്യുന്നത് നിയമവിരുദ്ധമായിട്ടും ഒരു നടപടിയും എടുക്കാതെ ജോലി ചെയ്യുന്ന സ്ഥാപങ്ങളിലേക്ക് മാറാൻ ഒരു വര്ഷം അനുവദിച്ചു സൗദി കാണിച്ചത് എത്ര മാനുഷികമായ പരിഗണയാണ്.

ഒരു രാജ്യം അവരുടെ നിയമങ്ങൾ നിരവധി നിരവധി തവണ വ്യക്തമായി പറഞ്ഞിട്ടും ഇതൊക്കെ നമ്മൾ എത്ര കേട്ടതാ എന്ന രീതിയിൽ അവഗണിച്ചത് ആരുടെ കുറ്റമാ.